Ferðamenn sáu ungan haförn í vanda í útjaðri Berserkjahrauns í gær. Hann átti greinilega erfitt með flug. Hildibrandur og synir úr Bjarnarhöfn fréttu af þessu og létu vita. Í dag fór undirritaður ásamt þeim og fleiri hjálparkokkum og handsamaði örninn eftir stuttan eltingarleik.

Um er að ræða unga frá sumrinu 2015.

Örninn bíður nú ferðar til Reykjavíkur, þar sem dýralæknir og sérfræðingar munu gera tilraun til að hjúkra honum til heilsu á ný.