Í nýjasta hefti Náttúrufræðingsins eru tvær greinar sem starfsmenn Náttúrustofu Vesturlands komu að.

Í forsíðugrein er fjallað um niðurstöður rannsókna á áhrifum sláttar og eitrunar á lúpínubreiður og gróðurfar í Stykkishólmi. Niðurstöðurnar eru mikilvægt innlegg í umræðu um lúpínu og mögulegar aðgerðir til að hamla útbreiðslu hennar. Verkefnið var unnið í samvinnu við sérfræðinga Landgræðslunnar og Landbúnaðarháskólans.

Í annarri grein er fjallað um hið sjaldgæfa fyrirbæri vatnamýs en þær eru sérkennilegar mosakúlur sem fundist hafa á nokkrum stöðum um landið, þar á meðal við Hraunsfjarðarvatn á Snæfellsnesi. Ævar Petersen er aðalhöfundur þeirrar greinar.