sildenafil geneva; font-size: medium;“>Umhverfishópur Stykkishólms

Í apríl 2004 var Umhverfishópur Stykkishólms stofnaður. Félagið er hópur sem samanstendur af áhugafólki um umhverfismál og er opið öllum þeim er vilja láta sig umhverfið varða. Stofnfélagar voru 36 en félagar eru nú ríflega 50. Haldnir eru 8 fundir á ári, rx en þar að auki er staðið fyrir ýmiss konar fyrirlestrum og kynningum.

Markmið félagsins eru:

•  Að félagsmenn líti í eigin barm:
a) Leitist við að haga lífi sínu þannig að athafnir valdi sem minnstum spjöllum á umhverfinu.
b) Fái ráðgjöf og stuðning hver frá öðrum.

•  Að skipuleggja og framkvæma afmörkuð verkefni sem fegra og bæta umhverfi Stykkishólms, pharm t.d. hreinsun strandlengjunnar, gróðursetningu, landgræðslu og gerð/stikun göngustíga.

•  Að stuðla að aukinni umhverfisvitund íbúa samfélagsins með því að:
a) Skrifa pistla í fjölmiðla um afmörkuð efni.
b) Útbúa og/eða dreifa bæklingum og dreifibréfum um umhverfismál og náttúruvernd.
c) Standa fyrir opnum fyrirlestrum um umhverfismál.

Öll starfsemi hópsins skal vera í samræmi við stefnu og viðmið Staðardagskrár 21, Green Globe 21 og í góðu samstarfi við bæjaryfirvöld.

Umhverfishópur Stykkishólms hefur nú þegar staðið fyrir ýmsum uppákomum s.s. hverfafundum, fuglaskoðunarferð og vettvangsferð í Múlavirkjun ásamt því að taka þátt í hreinsun Fúlutjarnar. Þá hefur hópurinn sent mikið af greinum og fróðleiksmolum í Stykkishólmspóstinn og staðið fyrir fyrirlestrum, m.a. um vistvænt heimilishald, gróðurhúsaáhrif, vistvernd í verki, farfuglana og rjúpuna í samvinnu við Náttúrustofu Vesturlands.

Stjórn Umhverfishóps Stykkishólms starfsárið 2005-6 skipa Menja von Schmalensee formaður, Lárus Ástmar Hannesson varaformaður, Róbert Arnar Stefánsson ritari og Sigríður E. Elisdóttir gjaldkeri.