Starfsfólk Náttúrustofunnar skrifaði þrjár greinar sem birtust í nýjasta hefti Fugla, félagsriti Fuglaverndar, sem kom út í sumar. Tímaritið Fuglar er eina útgáfan á Íslandi sem helguð er sérstaklega fuglum og fuglarannsóknum. Tímaritið er sérlega glæsilegt að þessu sinni, troðfullt af fróðlegu efni og fallegum ljósmyndum. Félagar í Fuglavernd fengu tímaritið sent
heim.

Greinar starfsfólks Náttúrustofunnar má skoða á hlekkjum hér fyrir neðan en þær fjalla um kríurannsóknir á Snæfellsnesi, mikilvægi leira fyrir líffræðilega fjölbreytni og kolefnisbindingu, og um flækjur og mögulegar lausnir þegar kemur að árekstrum nytja og náttúruverndar varðandi beit fugla á ræktarlandi.